පැමිණිලි පිටපත

සිලි සිලිය සුලඟ හා

දොඩමලුය

නිදහස්‍ ය

උණපත්‍ර

නෝක්කඩු චිරිචිරිය

කිටිකිටියෙ

ඇතිල්ලෙන

කඳෙන් 

පමණක් වෙද්ද

බාගෙට අසා පැමිණිල්ල

ඇඟ බේරගෙන 

ආ ගමන යාගන්න

මගක් හොය හොයා ඉඳිද්දී 

සම්බ විය ගඟ

ඉඳින් කොහොමද

තාම තනියෙම

මාත් මහතයි

ඔහෙත් වාගෙම

උත්තරේකට

හදද්දී කට

පැන ගොහින් අහවරය 

ගඟ

මා ගෙනා පැමිණිලි පිටපත

මිටි කර ගැනුම මිස

උණ පඳුරකට වැඩි

ප්‍රශ්න වේවිද කාහට

දොලොස් මහ පූංජය

තත්පර කිහිපයක් 

හෝ අසුරු මොහොතක්

උදෙසා මහ දුරක් 

ඇවිදීම ජීවිතය නම් වෙත්

එබඳු වූ දවසක

මතක ගිනි දලු පුපුරක්

ලයතුර රුවා අදරින්

ගිනි තපී අර අතන යුවලක්

නොගිණිය හැකිම නොවෙතත්

කොයි කිරීටක කෝෂිකාවෙත්

කදෝ පැණි සරි එලියක්

දොලොස් මහ පහනක්ව දැල්වෙත්

ඒ පූංජය වටා

හරිබරි ගැහී

ගිනි තපිනවා අර තවත් යුවලක්