Tuesday, March 27, 2012

පායනතුරු





                                                                                                       
                                                                                                                
                                                                                          
                                                                                          
                                                                                         
                                                                                      
                                                                                

Saturday, March 24, 2012

අලු සෙනසුරාදා


කාමරේ මකුලු දැල
වියපු මකුලුවො නැතී...
දැලි බැඳී
පංකාවෙ තාලයට
හරි හෙමින් හෙලවෙතී...

ගෙට වෙච්චි ඉර කෙලී
ඉඟි පානයුරු දැනී..
පරවි වා කවුලු මත
පුස් බැඳුනු තටු ගසා
පියාඹනු සැරහෙතී...

සඳලු මත ගුලි වෙවී
තවම මං නං නිදී...                                                                              
                                                                                               
                                                                               

Monday, March 19, 2012

වි(රහ)රාජිනී




මා මතින් මා නොසෙවු
පුරුෂයෙනි මේ අසවු
රමණයට මා කුමට
රති කරනු කැඩපතට                                                                                                                                               
             
                                                                                                                                            

Sunday, March 18, 2012

කුමරි පැන්න ගල


මේ ගමන කියන්න යන්නෙ යන්නෙ බලන්න ගියපු තවත් තැනක් ගැන.අපේ බැච් එකේ නං බහුතරයක් දෙනා මේ තැනට ගිහින් තියෙනව.මෙතනට ළඟාවෙන්න පුලුවන් හොරණ ඉඳන් 420 බස් පාරෙ කලුතරට යන අතරමග.හොරණ මතුගම බස් එකෙනුත් ලඟා වෙන්න පුලුවන්.




රෙමුණට එන පාර

බස් පාර ආසන්නයෙම වගේ රෙමුණ හරියෙදි දකුණු පැත්තෙන් වංගුවකුත් සමගම මේ පර්වතය මුණ ගැහෙනව.ඒ හරියටම කලුතර මතුගම පාරවල් බෙදෙන්න ටිකකට කලින්.

1;50,000 සිතියමේ කියන විදියට නම් මුදුන මීටර් 150ක් වගේ උසකින් තමා පිහිටල තියෙන්නෙ.උසින් නම් එතරම් වැදගත්කමක් නැති උනාට අතීත ජනශ්‍රැති ආශ්‍රිත කතා අතින් නම් මේ පුංචි පර්වත මුදුන ඉහල වැදගත්කමක් උසුලනව.ඒ විස්තරේ පසුවට තියල ගමන ගියපු හැටි කියන්නංකො.







ඇස ගිය තැන්






බෝවිටියා මලක මෙලෙක





රබර් කට්ටිය හරහා




ගමන පටන් ගත්තෙ අපේ සගය ජයනෙත්ති එහෙම නැත්තන් ජයේගෙ ගෙදරින්.උදේ ආහාර වේලෙන් සප්පායම් වෙලා අපි ගමන පටන් ගත්ත.කන්ද පාමුලම වගේ තමා ජයේලගෙ ගෙවල් පිහිටල තියෙන්නෙ.ගේ පිටිපස්සෙ ජයේලගෙ වත්ත මායිමෙන් අපි ගමන පටන් ගත්ත.නැග්මක් කියල අසීරු ගමනක් නම් නෙවෙයි ඒක.රබර් වත්ත මැදින්,වල් ගාල් මැදින් වගේම තරමක කැලෑ කුට්ටිත් නොතිබුනා නෙවෙයි.අතරමග කූඩැල්ලොන්ට බයේ නැවතුනේ නැත්තං විනාඩි විස්සෙන් මුදුනටම යතහැකි.ජයේගෙ මග පෙන්වීම ඔස්සෙ ටික වෙලාවක් යනකොට අපි ටික මුදුනෙ.මහන්සියක් නැතුවම වගේ අපි බොහොම අපූරුවට හාත්පස පෙනෙන මේ පුංචි මුදුනට වෙලා ජයේගෙන් මේ තැන හා බැඳිච්ච පුරාවෘත්තය අහගත්ත.









මුදුනට හාත්පස පේන හැටි


කතාව මෙහෙමයි.ඩබ්ලියු ඒ සිල්වා මහත්තයගෙ විජයබා කොල්ලය පොත ගැන හුඟක් දෙනා අහල ඇතිනෙ.ඒකෙ කියවෙනව වගේම ක්‍රි.ව. 1521දි විජයබා කොල්ලය සිද්ධ වෙනව.හත්වන විජයබාහු රජ්ජුරුවො යටතෙ තිබ්බ කෝට්ටෙ රාජ්‍යය කෑලි තුනකට කැඩිල යනව.මෙයින් රයිගම පාලනය බාරවෙන්නෙ රයිගම් බණ්ඩාරට.පස්සෙ කාලෙක මේ රාජ්‍ය තුන අතරත් බල අරගල ඇතිවෙනව.ඉතින් මෙහෙම ඇතිවෙන අභ්‍යන්තර යුද්ධෙකට පිටත් වෙන්න කලින් රයිගම් බණ්ඩාර රජ්ජුරුවො තම දේවින්නාන්සෙට දැනුම් දෙනව තමන් ආපහු ඒම විස්වාස නැති වීත්තිය.සටන සිද්ධ වෙන්නෙ පස්දුන් කෝරලේ.ඒ කියන්නෙ කලු ගඟෙන් එපිටහ.තමන් යුද්ධෙන් දිනුවොත් පස්දුන් කෝරලේ පර්වතයක ඉඳන් ඒ බව මේ පර්වතය මුදුනෙ ඉන්න දේවියට සහ පිරිසට දන්වන්න කතිකා කරගන්නව.කොහොමින් කොහොමින් හරි සටන අවසානයෙ රයිගම් බණ්ඩාර රජ්ජුරුවො සටන දිනනව.කතාවුනු විදියටම පස්දුන් කෝරලේ පර්වතයට නැගගන්න රජ්ජුරුවො පණිවිඩේ දන්වන්නෙ වැරදියට.ඒ තමන් සටනින් පැරදුනු බව අඟවමින්.ඔහු මෙහෙම කරන්නෙ තමන්ගෙ දේවිය සහ පිරිස තමන්ගෙ වියෝවට ප්‍රතිචාර දක්වන්නෙ කොහොමද කියල දැනගනීමේ කුහුලෙන් යුතුව.ඒත් වැඩේ බරපතලකම තේරෙන්නෙ ඔහු ආපහු තමන්ගෙ රාජ්‍යයට ආවමයි.තමන්ගෙ පණිවිඩේ ඇත්තය කියල හිතපු තමන්ගේ දේවිය මේ පර්වතයෙන් පහලට පැනල දිවිතොරකරගත් බව දැනගන්න රජ්ජුරුවො තමන් අතින් උනු වරදට නොසෑහෙන්න කම්පා වෙනව.අන්තිමේදි රජ්ජුරුවොත් මෙතනින් පැනල ජීවිතෙ නැති කරගන්න බව තමා පුරාවෘත්තයෙ කියවෙන්නෙ.ඒ නිසා මේ පර්වතය  "කුමරි පැන්න ගල " උනා කියල තමයි දැනගන්න තියෙන්නෙ.රජ්ජුරුවො පැනපු නිසා කුමරු පැන්න ගල කියලත් ව්‍යවහාරයෙ යෙදෙනවලු.පර්වතය එතරම්ම උස නොවුනත් පාරෙ වංගුව ආසන්නයෙ තියෙන අන්තය තරමක සෘජු බෑවුමකින් යුක්තයි.ඒ නිසා ඔහොම දෙයක් ඇත්ත වීමේ ලොකු ඉඩක් නං තියෙන්න පුලුවන්.කොහොම වෙතත් ගමන ගිහින් ආවට පස්සෙ තමා මතක් වුනේ අර අනික් පර්වතය තිබ්බ දිහාව බලාගන්න අමතක උනු බව.පර්වතය උඩ මෑතක ඉදිවුන බුදුපිළිම වහන්සේ නමක් වගේම මල් ආසනයක් වගේම ඝණ්ටාරෙකුත් දකින්න පුලුවන්.වෙසක් පෝය කාලෙට ගමේම කට්ටිය එකතු වෙලා මේ පර්වතය සිරීපාදෙ අනුරුවක් විදියට හැඩගස්සනවලු.ඒ කාලෙට නං හුඟ දෙනා මෙතැනට එකතු වෙන බව තමා ජයේ කිව්වෙ.


වැවත් නිම්නයත් මුදුනට පේන හැටි





හාත්පස සුන්දරත්වය


මේ පර්වත මුදුනෙ තියෙනව තරමක පොකුණක්.හුඟක් වෙලාවට නියං සමයෙදිවත් දිය නොසිඳෙන මේ පොකුණ හා බැඳුනු විස්තරත් එමටයි.පර්වතය පහල ගම දිහාවට ඇවිදන් යද්දි හම්බෙන තැනක් තමා ආඳා දොල.මේ පොකුනත් ආඳා දොලත් යටින් සම්බන්ධ බව කියවෙනව.පොකුණ යට සැඟවුනු නිධානයක් ගැන හාහූත් නැතුවාම නෙවෙයි.මේක රකින්න ඉන්න රත්තරං කඩුක්කමක් දාගත්තු ආඳෙක් නිසා පල්ලෙහ දොල ආඳා දොල වුනා කියල තමයි කියන්නෙ.කෙම්මුර දවස්වලට සමහර කාලෙට මතුවෙන රන් සෙම්බුවක් පොකුනෙ ඉඳන් දොල දිහාවට ගමන් කරන බවත් කියවෙනව.මේ හා සමාන ජනශ්‍රැති අපිට හුඟක් තැන්වල අහන්න ලැබුනත් මේ වගේ පුරවෘත්තවලින් අපේ හිත්වල බය මුසු ගෞරවයක් ඒ තැන කෙරේ ඇති වෙන්නෙ නිරායාසයෙන්මයි.





මුදුනට පේන බස් පාර
















මුදුනට හොරණ කලුතර පාර අපූරුවට දිස්වෙනව.එක් පසෙකින් රෙමුණ වැවත් ලස්සනට දැකගන්න පුලුවන්.මේ පුංචි කඳු මුදුනත් ලඟම තිබ්බ තවත් මුදුන් වැටියකුත් අතර තියෙන නිම්න භූමිය වැවෙන් ලැබෙන දියවරෙන් පෝෂණය වෙමින් ගොයමෙ නිල්ලෙන් වැහිලයි තියෙන්නෙ.ඒක නං හරිම සිත් අළවන සුලු දර්ශනයක්.

සෑහෙන වෙලාවක් මුදුනෙ ගත කරපු අපි නාගන්න දහසින් ආඳා දොල දිහාවට පල්ලම් බැස්ස.ඉරිද දවස නිසා එතැන නම් පිරිලයි තිබ්බෙ.කොහොමහරි නාගන්න අදහසින් අපි වැව දිහාට ගියත් එතනත් ඒ සෙතේම තමා.අන්තිමේ නාන එක පැත්තක තියල අපි ආපහු ජයේලගෙ ගෙදර දිහාවට හැරුන.කලින් කියපු ගොයමෙන් වැහුනු නිම්නය හරහා තමා පාරට එන්න තිබ්බෙ.කඩේකින් ගත්ත අයිස් පැකටුත් කකා ගම හරහ ඇවිදන් ආපු ගමනත් හරි අපූරු අත්දැකීමක් වුනා.කොහොමහරි දවල් එක විතර වෙනකොට අපි ආපහු හොරණ බලා එන්න පිටත් වුනා.











ආපහු එන ගමනෙදි දැකපු අය



















අපේ මිත්‍රය ජයේ


ගමන ගැන මතක් කරනවනම් ඒ ගැන කියන්න තියෙන විශේෂම දේ තමා ගමන් යන්න තමන්ට වෙලාව මදියි කියන අයට හොඳම විසඳුමක් වෙන මේ විදිහෙ පුංචි ගමන්.කොළඹ අවට පැයක් දෙකක් ඇතුලත ලඟාවෙන්න පුලුවන් මේ වගේ තැන් බොහෝමයි.මේ වගේ තැන් පිලිබඳව හුඟ දෙනා දන්නව වුනත් මේ වගේ තැනකින් තමන් බලාපොරොත්තු වෙන දේ හොයාගන්න නොදන්නාකම තමා වැඩි දෙනාට තියෙන ප්‍රශ්නෙ.කොහොම වෙතත් මේ ගමනෙ සම්පූර්ණ ගෞරවය හිමිවෙන්නෙ ජයේට.අපිට පාර පෙන්නල අපිට සංග්‍රහ කරන්න ජයේගෙ අම්මයි තාත්තයිත් හුඟක් මහන්සි උනා.

ඉතින් දවස එතනින් ඉවර වුනේ නෑ.අපේ පුංචි සවාරියට තවත් ගමනාන්තයක් තිබ්බ.ඒ ගමනාන්තයට යන්න අපි හැමෝම ජයේගෙ වාහනේට ගොඩවුනා.

තවත් ලිපියකින් අපි ඒ ගමනෙ විස්තරත් එක්කල හම්බ වෙමු




Friday, March 16, 2012

සූතිකාගාරයේදීය



දරා දෝතින් ඈ
සර්වබලධාරී දෙව් රුව
අයාගත් මුව තව
දෙව් පුතුට තම හුස්ම සපයන

සාන්තුවරියකි සෙමින
පය තබන්නට
මල් පාවඩ එලන
මරිය මුව විට ඇගෙ නමට ගැයු
ගීතිකා නම් නෑසුනා මෙන

ළඟක නොඉඳුල් යෝනියෙහි ගැබ
රැකි එපවත් දෙසන
මරිය මවු තෙම
අසිහියෙනි තව


මග ලකුණු තරු පිපි
රෑ අහස් ගැබ තල
කොන්ක්‍රීට සිවිලිමෙන් මුවහව
ලබා කුමරිඳු කෝ කොහිද සෙවු
සාන්තුවරුය යුහුසුලු තව


තව නොවැඩි කුමරුනි
ගව ලෙනම ඔබ නමට අවදිව
බැටලු තෙම වී මම්
බලා ඉමි උඳුවප නොවූවද                                                                            
                                                                                               
                                                                                             
                                                         

Sunday, March 11, 2012

කැලෑගම සහ අතරමග මම දැකපු හැටි

කැලෑගමේ දියත් උනු කොළඹ වෛද්‍ය පීටයේ වෛද්‍ය කඳවුර ගැන මම වතාවක් හැමෝවම දැනුවත් කෙරුව මතක ඇතිනෙ.

එක වතාවක් විස්තරාත්මකව කියපු නිසා ආයෙත් කියන්න යන්නෙ නෑ. මේ තියෙන්නෙ ඒ ලිපිය.

http://lahiruakuratiyage.blogspot.com/2011/12/2012.html

අද ලියන්න කියල හිතාගත්තෙ ඒ ගමන ගැනම තමයි.බෞද්ධ ශිෂ්‍ය එකමුතුව බලාපොරොත්තු උනා වගේම බොහෝම සාර්ථකව පහුවුන ජනවාරි මාසෙ 8වැනිද ගමේදි පැවැත්වුනා.
ගමන ගැන ලියන්න කියල හිතුවට ඉතින් බෙදාගන්න තියෙන්නෙ පින්තූර කිහිපයක් තමයි.

සෙනසුරාද රෑ නිකවැරටියෙ නවාතැන් ගත්ත අපි ඉරිද පාන්දරම ගමට ආව.ගමේදි අපි සැලසුම් කරපු විදිහට සමහර වෙලාවට ඊටත් වඩා සාර්ථකව සෞඛ්‍ය කඳවුර ඇතුලු හැම වැඩක්ම අන්තිම ඉහලින් සිද්ද උනා.ඉතින් මේ ගමන පුරාවට දිනුකගෙන් ඉල්ලගත්ත කැමරාවෙ සටහන් උන මේ සේයාරූ කිහිපය වැඩි විස්තරයක් නැතුවම හැමෝමත් එක්ක බෙදාගන්න හිතුව.

තව එකක් කියන්නෝනෙ.මේ පෙලගස්වන්නෙ වස්සාන දියවරේ සිදුවෙච්ච සිද්දි දාමය නම් නෙවෙයි.මේ වස්සාන දියවර සහ කැලැගම මම දැකපු හැටි විතරයි.
වස්සාන දියවරේ හැබෑ තතු විත්ති විස්තරාත්මකව බලන්න පහල සබැඳිවලින් පුලුවන්.

වස්සාන දියවර බ්ලොග් පිටුවට
http://wassanadiyawara.blogspot.com/

වස්සාන දියවර ෆේස්බුක් පිටුවට
http://www.facebook.com/pages/Wassana-Diyawara-2012-%E0%B7%80%E0%B7%83%E0%B7%8A%E0%B7%83%E0%B7%8F%E0%B6%B1-%E0%B6%AF%E0%B7%92%E0%B6%BA%E0%B7%80%E0%B6%BB-/221232494597216


ඉතින් මේ තියෙන්නෙ ඒ පොටෝ විස්තරේ.
















































































Related Posts Plugin for WordPress, Blogger...