අතුරුදහන් වී තුන්වසරකට පසු
බැස යා නොහී ඉර කැරකෙන රෑක මුදු
ගාලු මුවදොරදි අවසන් වරට දුටු
නුඹ හමු වුනා යාරාවේ දෑල මතු
පාවී අවුත් වඩදිය හා මඩ අතරේ
තෙත බරිතව නමුත් මද සිනහව මුහුනේ
මන්දස්මිත මුවින් සතුටින් බව පෙනුනේ
නෙත් දෙක ඇරුනු සෙයකිනි අහසට හැරුනේ
මියගොස් ඇති වගක් හිතනම් දැන උන්නේ
එනමුත් සිරුර දැකුමෙන් සංකා ඇරුනේ
අගමුල නොදත් සමහර ගැටපද ලිහුනේ
බෝයාවකට බැඳි අවසන් හුය ලිහුනේ
මසැසින් දියනොවී මරණය සිදුවිම
මලවුන් සමග හිමයේ දුර ඇවිදීම
නුපුරුදු නැතැයි සිතුනොත් මග නැවතීම
රැකුනොත් පහන්සිල සුලඟේ, සැනසීම
