කලාපෙට රෑ උනාවේ ...

නමට නිදහස් කලාපේ

ගෙස්ට් හවුස් කුටි ජනේලෙන්

රලට ඉහලින් නිවී දැල්වෙන

අහස් යන්තර කුරුල්ලෝ

 

නයිට් ෂිෆ්ට් එක යකාටයි

ආටා මල්ලිට දෙසීයයි

වලලු ගැහිලා කලින් ජංගිය

එබුනෙ දොර කොන එතීලයි

බාගදා ඉඳහිට උනත්

වජිරනාතට වැඳ වැටී

මේ බිත්ති මැද ගෑණියෙක් උනු

දාට හිත යනවා ඇතී

එදා හිට අද වනතුරා

ප්ලේන් බෑවා නැග ගියා

ගිමන් හල බිමකුලිය ගන්නා

එයා පෝට් එක මම උනා

හැලි බඩට මුගෙ මිරිකිලා

දාහ මදි හිත කියනවා

හතර පාරේ ගමට බස් එක

දැකල තාමත් ඇඬෙනවා